學沖藍山咖啡…

早排同學仔介紹…
百幾蚊去認識下咖啡…
我都冇仔細研究係咩嚟…
就試下啦…
開下眼界都好…
結果過咗一個好relax的晚上…

整餅…

上星期襯擺酒週年紀念日…去試下整餅﹗
都幾好玩﹗
最好玩係唔駛自己洗嘢﹗勁﹗
加上高難度動作有人幫我處理…good!

蕃茄豬肝雞絲烏冬

材料：
蕃茄 4 個
薑 適量
草菇 10 粒
粟米 隨意
清雞湯 1 盒
豬肝 5 蚊
雞柳 2 - 3 條
烏冬 1 包

做法：
1. 一份清雞湯 + 一份清水 煲滾。
2. 薑去片，洗淨，放入清雞湯內。
3. 雞柳洗淨，放入清雞湯內。
4. 蕃茄、草菇清淨，切件，加入已滾的清雞湯內，水滾後轉慢火。
5. 豬肝切片，調味 ( 糖、豉油、酒、豆粉)。
6. 烏冬用水煮至軟身。
7. 取出雞柳，撕成幼條。
8. 烏冬、雞絲、粟米 放進碗內。
9. 清雞湯轉大火，加入豬肝，熟透收火。
10. 把湯、蕃茄、草菇、豬肝 加入 盛有烏冬的碗，完成。

SELECT 牌牛扒…

最近聽到一位姊妹分享煮牛扒的事…
令我十分羞愧…

一直以來…
我家所吃的牛扒都是…好貴﹗
而且我十分懷疑，雪到硬實實的牛扒，係唔可以用來整五成熟…

但係…有次去一家餐廳食牛扒…
侍應把牛扒煮熟之前的樣子給我看…
下…原來餐廳也是用塑膠牛扒？<這是我一直以來的想法，塑膠牛扒係唔食得﹗>

因此…又踫巧，SELECT 牌特價﹗
今晚弄了來吃﹗
老公大人話…都OK有肉汁﹗

但仍要練習一下煮塑膠牛扒的技巧﹗

龍蝦湯

龍蝦湯

材料：

小蝦                兩斤

大蝦                一斤

海鮮                隨意

清雞湯            1000 ml

牛油                適量

蒜蓉                半個

茄膏                半罐

麵粉                適量

白酒                適量

 

做法：

1.      小蝦先洗淨， 去殼，用白鑊炒透。

2.      清雞湯煲滾，加入蝦殼，最小煲兩小時。

3.      用牛油起鑊，加入蒜蓉炒香，再加入茄膏炒香，加入蝦殼湯。

4.      加入麵粉至湯的濃度適中。

5.      隔去湯中的雜質，如沒有溶化的麵粉，蒜蓉等。

6.      大蝦去殼、海鮮先淨，加白酒炒香。

7.      海鮮在飲用時才加入湯中。

8.      最後加少許忌廉。

突然出現…

最近老公大人忙著處理葡萄牙鬼，日日做到冇停手…
放工前問他幾點回來，他也沒有回應…
所以今天也沒有預他回來吃飯，還計劃吃些他不喜歡的食物…
但因勞碌了兩天，都是炒個菜，滾個莞茜皮蛋魚片湯…
未夠七點半萬事已準備妥當，坐在電腦前小休一下…
點知…老公大人在msn的框框中消失？？？
原來他已經在回家的路上…
雖然他講過不用我洗衫、煮飯 (但經歷了洗衫的他，相信已收回這句話)
我又怎會忍心不為他準備晚餐呢…
三文魚扒立即解凍…
在同事三分親的第二部份，大家排排坐，食dinner…

莞茜皮蛋魚片湯

材料：
莞茜 3蚊
魚肉 1條
皮蛋 1隻

做法：
1. 魚肉切，豉油(兩湯匙)、糖(一茶匙)、生粉(一茶匙)、燒酒(一茶匙)
2. 煲滾兩湯碗水
3. 莞茜洗淨，切半
4. 皮蛋去殼，切件，水滾後落
5. 再放魚片
6. 水滾後落莞茜，落半茶匙鹽
7. 熄火…完成

香煎三文魚扒

材料：
三文魚扒

做法：
1. 二湯匙油，燒熱
2. 大火煎三文魚扒，3分鐘，轉中火煎3分鐘
3. 反轉用大火煎3分鐘，轉中火煎2分鐘上碟
4. 豉油兩湯匙、喼汁一湯匙、糖一茶匙，攪和倒在三文魚扒上…完成

好味鷄粥

你哋鐘唔鐘意食雞粥呢？我家老爺就成日都話要食雞粥，仲要係無骨果隻，所以唔多唔少都有d心得﹗

材料：
雞 ~ 半隻 <依家d雞好貴，可以考慮用冰鮮雞，又或者急凍雞脾…>
米 ~ 一柸
唐生菜 ~ 四兩
沖菜 ~ 少許
薑 ~ 適量

做法：
1. 煲大約2L 的水
2. 用電飯煲煮一柸米，水比平時多一點也可以
3. 雞清洗乾淨，用鹽抺混雞身
4. STEP 1 的水滾後，把薑和雞放進煲內, 待水再滾起時，熄火。
5. 飯熟後，把雞取出，稍涼。
6. 把飯倒進剛才煮雞的水內﹐並繼續煮成粥。
7. 把雞拆成絲，剩下的雞骨，放進煲與粥同煮。
8. 雞絲加適量鹽調味。
9. 生菜洗淨切絲，沖菜切粒。
10. 粥煮成後，先放生菜絲進碗內，加入滾粥弄熟，再加入雞絲、沖菜，攪掂﹗