接通電源

今日的靈修講到擴張我們的境界…

還記得今早說…試下啦﹗
原因是：
1. 求神賜我們更好的生活…是否有點貪心呢？
2. 我都幾滿足現狀…某個程度係錯﹗
3. 要更進一步實在太難…

因為我哋經濟支柱當然係老公大人啦…
而佢份工真係做得都幾唔開心…
主要係話得事的高層對佢有偏見 & 處處針對佢…

而我…
除非轉工啦…
唔係都唔會有經濟上的改變…
我呢份工清閒得嚇人…
所以有時太習慣清閒，做起工事來有點辛苦的感覺…

而今天正進入我每三週有嘢做一週的時段…
既然作者話要 " 認真工作 "
所以我今日都提起勁…認真工作
但係都要總公司給我新的訂單才行…
所以我未有嘢做…就試下計下點樣節流 <既然未能開源…>
理論上都可行的…實際就真係要好有毅力先做得到…
其中一樣節流的方法就係…清哂屋企的食物倉存﹗

接著總公司竟提早咗俾訂單…
心想…今次要認認真真咁做﹗﹗﹗
結果…唔駛兩個鐘做完…
同事仲話…要等聽日先可以做下一個step添…
都好…起碼我做自己嘢都做得心安理得一D﹗

跟住打下電話俾老公大人啦…
佢話噚日有D嘢未同我講…
就係佢個部門一向都有個文職姐姐，幫佢同另一位同事…
但係因為有位高層人士安排了其他事務給呢位文職姐姐做…
所以呢位文職姐姐一直都沒有做減輕老公大人工作的事務，但係就坐咗係老公大人的部門裏面…
而老公大人又為了關係變得更惡劣…所以都冇出聲…

但係噚日俾大老闆發現咗文職姐姐的工作範圍…
仲勒令馬上停止這種工作分配…
到咗今日…果位高層當然UNHAPPY啦…
十分勁正常地遷怒於老公大人…

不過…我就感覺到我哋同神真係有呢種互動的關係…
神是聽禱告…
今天祂就改變了老公大人的工作環境，本來沒有人幫忙…
依家就有啦…
至於果位UNHAPPY的高層…
佢UNHAPPY都係好應該…奸計被破…
主…求你賜更多更多給老公大人﹗

人的出路…就唯有與上帝接上…
今天的經歷…十分實在、又實用﹗
而我們相信那位神…就是這樣﹗
雖然並非第一次有這種經歷…
但眼見很多沒有深度的基督徒…
就更加提醒我…要認認真真地數算神的恩典…
因為這就是信心的來源…