休息一天…

今天起來…超頭痛﹗
相信是由星期三晚開始沒有乖乖地早睡的原因…
所以都是休息一天，好好調理一下身體﹗

睡醒後，便出尖沙咀睇那位中醫講師，清熱清熱
接著相約老公大人LUNCH…吃我很久沒有吃過的扒王之王﹗

小休後，再弄只有我和細妹享用的晚餐…我選了超簡單的叉燒炒烏冬…
還有煲藥…今次的藥特別難煲，因為藥煲太小，但藥太多(因為有白花蛇舌草)，所以落多了水，煲了兩次也有兩碗水之多…激死我﹗唯有用大火再煲…點知……未至於燶，而只剩下1/4碗水﹗﹗最後加水再煲，心情已經非常差，一碗藥，竟由下午六點攪到十點…

吃過藥，已是十時多，正準備早點休息，

點知…呀媽又打嚟，問我睇唔睇得明佢要改咩… (佢已經第三次為此事打來…)
？你自己要表揚人，點解要我寫？
？點解你要我寫，又要改我D野？
？其實你知唔知我想講咩，又要改？

點知…老公大人打電來，說正在回家途中…你頭先唔係已經打咗返嚟咩？
原來要我整野佢食…
？？？你明明話今晚唔返嚟食，我點會準備你的食物？
我話屋企冇野食…你竟不停追問…點解？點解會冇野食？真係咩都冇…
算啦…我為你放棄我的休息時間，煮俾你食
返到嚟…你又話，點解唔係你呀媽D湯？
我已經唔出聲…
跟住你又話…D湯你落左幾多水，答你一次你唔滿意，又再問，再答都係咁多…
跟住仲要問點解，點解落半罐...............................................................
我已經到了我的極限，我知道自己的情緒要爆發﹗
點解？我都要返工，我都要搵食，點解？我沒有自己休息時間？點解？你唔可以自己解決你自己問題？點解你要人幫你解決你的問題, 唔該都冇聲，仲要百般不滿？
我唔會再做這些愚蠢行為﹗